ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

គ្រួសាររបស់ជនមានពិការភាព លោក ស៉ិន សែ បានទទួលបណ្ណសមធម៌ហើយ

  • ចុះផ្សាយថ្ងៃទី០៣ ខែកញ្ញា ឆ្នាំ២០២៣ ម៉ោង ១៤:៤៥ នាទី ដោយ EAC News
  • 2193
  Aa |   aA

ភ្នំពេញ៖ គ្រួសាររបស់លោក ស៉ិន សែ ដែលជាជនមានពិការភាព(ឧស្សាហ៍ប្រកាច់)តាំងពីក្មេង បានជាប់ចំណាត់ថ្នាក់ក្រីក្រកម្រិត២ ហើយរដ្ឋបាលឃុំផ្ទះកណ្ដាលនឹង ប្រគល់បណ្ណសមធម៌របស់ក្រសួងផែនការជូន។

ក្នុងសេចក្ដីប្រកាសព័ត៌មានចុះថ្ងៃទី៣ ខែកញ្ញា ឆ្នាំ២០២៣ អ្នកនាំពាក្យនៃក្រសួងសង្គមកិច្ចបានឲ្យដឹងថា នៅព្រឹកថ្ងៃអាទិត្យនេះ មន្ទីរសង្គមកិច្ចខេត្តកំពង់ចាម បានសហការជាមួយមន្ត្រីមន្ទីរផែនការខេត្ត រដ្ឋបាលស្រុកស្រីសន្ធរ និងរដ្ឋបាលឃុំផ្ទះកណ្ដាល បានចុះទៅសម្របសម្រួលក្នុងការកំណត់អត្តសញ្ញាណកម្មគ្រួសារក្រីក្រឡើងវិញ ជូនគ្រួសារលោក ស៊ិន សែ។ ជាលទ្ធផលគ្រួសាររបស់លោក ស៊ិន សែ បានជាប់ចំណាត់ថ្នាក់ក្រីក្រកម្រិត២ ហើយរដ្ឋបាលឃុំផ្ទះកណ្ដាលនឹង ប្រគល់បណ្ណសមធម៌របស់ក្រសួងផែនការជូន ដែលនឹងមានសុពលភាពចាប់ពីថ្ងៃទី០៣ ខែកញ្ញា ឆ្នាំ២០២៣ រហូត ដល់ថ្ងៃទី០២ ខែកញ្ញា ឆ្នាំ២០២៦។

ជាមួយគ្នានោះ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ចាមក៏បានជួយឧបត្ថមថវិកា ជូនគ្រួសាររបស់លោក ស៊ិន សែ សម្រាប់សោហ៊ុយធ្វើដំណើរទៅមក និងហូបចុកនូវថវិកា ៣០០,០០០រៀលផងដែរ។

គួរឱ្យដឹងដែរថាកាលពីព្រឹកថ្ងៃទី២ ខែកញ្ញា សមាជិករដ្ឋសភាមណ្ឌលខេត្តកំពង់ចាមលោក ខៀវ កាញារីទ្ធ បានបង្ហោះនូវសារពីពលរដ្ឋមួយទាក់ទងនឹងជនមានពិការភាពម្នាក់នៅក្នុងស្រុកស្រីសន្ធរឈ្មោះ ស៊ិន សែ ដែលថាមិនត្រូវបានស្ថាប័នពាក់ព័ន្ធផ្ដល់ប័ណ្ណក្រីក្រ និងមូលនិធិសមធម៌សង្គមជូនដែលធ្វើឱ្យរូបគេជួបការពិបាកជាខ្លាំង។

ក្រោយការបង្ហោះនេះក្រសួងសង្គមកិច្ចបានឆ្លើយតបថាមន្ទីរសង្គមកិច្ចខេត្តកំពង់ចាម នឹងធ្វើការសហការជាមួយមន្ទីរផែនការខេត្តកំពង់ចាម និងរដ្ឋបាលឃុំផ្ទះកណ្ដាល ដើម្បីណាត់ជួបគ្រួសារជនមានពិការភាព លោក ស៊ិន សែ ដើម្បីកំណត់អត្តសញ្ញាណកម្មគ្រួសារក្រីក្រជួន ក៏ដូចជានឹងសម្របសម្រួលដើម្បីចេញប័ណ្ណមូលនិធិសមធម៌សុខាភិបាលជូនគាត់ផងដែរ៕ 


ព័ត៌មានជាច្រើនទៀតសម្រាប់អ្នក